Friday, 26 January 2018

Tasavvur

 Aham - Aham ki takrar har-ik-roz dekhta hun main
 Khud aaine se takrakar har-ik-roz dekhta hun main

Jo bikhre hue nazar aate hain tumko sar-e-zameen
Wo toote hue tassavur har-ik roz dekhta hu main
Khud aaine se takrakar har-ik roz dekhta hun main

Wo umr bhar jo uthti hai tees subah shaam
Asar hota hua uska har-ik-roz dekhta hu main
Khud aaine se takrakar har-ik roz dekhta hun main

Dekha to hai tumne bhi bahut kuch ae raahi
Bhatakte hue tumko bhi har-ik-roz dekhta hu main 
Khud aaine se takrakar har-ik roz dekhta hun main

In haathon mein ab wo dum na sahi to sahi
Isi mehfil mein uthte hue jaam har-ik roz dekhta hu main
Khud aaine se takrakar har-ik roz dekhta hun main

Jo Naqaab ke peeche ki soorat ghinoni ka zikr jhedte ho tum
Jab wuzu karta hu tab har-ik Roz dekhta hu main


Khud aaine se takrakar har-ik-roz dekhta hun main

Kufr kardega mujhe benaam kahte to ho tum
Khud ko khud hi se mit te hue har-ik-roz dekhta hu main 
Khud aaine se takrakar har-ik roz dekhta hun main





No comments:

Post a Comment